كثر العتاب

وش فيك تجبرني لقول الصراحه
كثر العتاب يضيع المزح والضحك
ليه إنتصارح دام ما فيه راحه
يا زين مازحني بهرجك وأمازحك
لا لا تخلي للندامه مساحه
الله يقدرني على اللي يفرحك
في شرع حبك كل الأخطاء مباحه
أعلى وسام بسيرة الحب مانحك
دامك وفي خذ قلب ضمد جراحه
في القلب سو اللي يعجبك مسامحك
قل له وبين له مساه وصباحه
من حبي لهرجك تردد وأقول أحك
خل الفرح يسدل علينا جناحه
أنادمك وأهواك وأقبل نصايحك
أنت العشير اللي ما.. أقاوم سلاحه
لو منت غالي والله أني ما أصارحك
لكن غلاك يقودني للصراحه
عبيد السيحاني