كذا.. والاَّ كذا

عسى دلو الغرام اللي ورد جمة قليب اقصاي
يصدر له بعلم عذب يروي عذب الانفاسي
ويروى به عطش قلبٍ سعى في راحتي ورضاي
وأنا أصدر عليه من الهموم اخماس وأسداسي
مع إني ما حسبت حساب غدر اللي حداه حداي
وهرجه لاحشا ما هز شعره من شعر رأسي
عزيزٍ رافع رأسي مدامي حي في دنياي
ولا اخضع غير للي خالقٍ هالكون والناسي
وأنا ما أدنس الطاهر ولا أهدم جرته بخطاي
اسير بدرب واضح بالقدم يوطى وينداسي
اشيل من الهموم جبال والشكوى على مشكاي
عسى ربي يعجل بالفرج ويشد من باسي
وعسى ربي يحل المشكلة ويبت في دعواي
كذا ولا كذا بس.. يتحرر صادق إحساسي