أثره صحيح ان القصيد احيان ما يملك قرار غصبٍ عليه يطاوع الشاعر ويرضخ للمصير بالضبط هذا ما حصل من يوم معناي استدار واسترسل الهاجس وبان الدرب ونباج النظير في لحظةٍ يا دوب ما تجمع مع البن البهار قدام ياصل للرقيبه ما حوى صوت النذير كني بصوتٍ يستثير الصمت يعلنها جهار الوقت مثل السيف وين السيف أبو حدٍ شطير قلت ابتدي ما بين جنح الليل واطراف النهار واكتب قصيده غير حيث الوضع والموضوع غير بكتب قصيدة بالمليك ابن المليك اخو الحرار خيالة العوجاء هل الوقفات والفكر المنير خادم بيوت الله حبيب الشعب صمام الديار الحاكم اللي لا ومر له بامر باذن الله يصير العادل المخلص حكيم الراي محمود المسار انا اشهد إنه للكبير وللصغير اصدق نصير ارق من نسمة هواء واشد من ثورة عصار للشر واهل الشر خصم وخير للي قال خير من يخدم بلاده لو انه طفل يحظى بالوقار ومن خالف الدرب الصحيح يخالفه لو هو وزير ولا حط من بينه وبين الشعب والزاير ستار مفتوح قلبه قبل بابه للصغير وللكبير يا كثر ما واسى قلوب وخفف آثار الدمار ويا كثر ما حسن مصير انسان تاه به الشوير ويا كثر ما جاوب صدى صوتٍ وهو باقصى البحار لا قال عبدالله ما هو محتاج للصوت الاخير وللعفو عند المقدره يملك ثقافات وشعار ونبراسه القرآن والسنه يشير ويستشير وبين الدول واصل لنبذ العنف داعي للحوار للصلح بين شعوب الأرض يقدم الجهد الكثير ملك ملك في كل ما يحويه معنى الاختصار له سيرةٍ ما يختصرها الفكر والوقت الوفير ملك ملك كل القلوب وواصل الدنيا عمار حتى تجاوز واقع التاريخ في وقتٍ قصير ويحب شعبه حب يتجاوز حدود الاقتدار يالله عسى عمره طويل بطاعة الرب القدير والشعب كله بايع والله ونعم الاختيار بيعة هل التوحيد واحفاد الصحابه والبشير
