ملهمتي

يضيق الدرب.. وفجوج الحنايا ما عليها خلاف
كذا ! يا ملهمتني.. هالقصيد.. وصادق شعوره
صبرت سنين عقب سنين والسبع الشداد عجاف
صبرت !وكني اللي ماعرف وش غاية حضوره
أسج.. ولا نسيتك.. عبرتي تذرف على مهياف
يمر الضيق يمّي.. ما درى..! اني ماخذ ٍ دوره
أروح هناك.. عنك هناك,, وانت اشراقك الشفاف
يجيني كل ما امرح... ينتثر في حلمي زهوره
أشوفك.. كل ما زفر.. فزتك يالّناعم.. الخّواف..
ما بين اهداب عيني ترتسم لي بسمتك.. صوره
أمانه.. لا تخلي هالعواذل .. تكسر المجداف
ترى اللي فيّ.. يكفيني.. وقلبك ما حتمل جوره
تذكرتك..على طريا القصايد..وانتثر بك قاف
عقب هاك الظما.. اللي في زراجك طالت دهوره
حبيبي.. لو برا حالي من فراقك..باموت جحاف
عما عين الحسود..! وديرتك بالخير ممطوره
يقولون العرب: من يهتوي يرقا على مشراف
وأنا اللي من عرفتك..مهجتي.. والدار معموره
أحبك.. ثم احبك... ثم احبك... ما عليها خلاف
مدامك ملهمتني.. هالقصيد.. وصادق شعوره