لو سمحتي

لوسمحتي بس من فضلك دقيقه
وصدقيني ماطلبك في شي ثاني
دلّي قلبي ياخذ لقلبك طريقه
ويعترف لك حتى لوقلبك أناني
والله إني عايش ف»نار» وحريقه
وأنتظرتك تسمحي لي من زماني
آه لوتدرين.. لوقلت الحقيقه
ماقدرتي تتركيني لو ثواني
احتملت من العذاب اللي ماطيقه
وشلت جرحٍٍ من سبب صدك يعاني
حتى همي.. صاير لقلبي شقيقه
معه دايم.. واللي فيني قد كفاني
من رحلتي.. ضيقتي من بعد ضيقه
من رحلتي.. حي وإلا الجسم فاني
من رحلتي.. فاقدٍ قلبي رفيقه
من رحلتي.. مدري وين الله حداني؟
كل عاشق.. يوفي الحب لعشيقه
وكل هايمٍ عايشٍ بأحلى الأماني
إلا أنا واياك كلٍ في طريقه
والسبب منّك ومن غدر الزماني
لوسمحتي .. انتهت كل الدقيقه
اتركيني .. مابغى منّّك شي ثاني!