انتهيت وابتديت

الشعور اللي يرافق حلي وترحالي
كل ما ناديت بعضه جاب بعضه كله
الجديد يكف دمعه والقديم البالي
ماسكن به غير حرفٍ من حروف العله
كل ما مال الشعور اللي مكدر بالي
قامت حروفي تعاند بين هات وخله
انتهيت من البدايه وابتديت بحالي
كيف حالي؟ لو تجف رموشي المبتله
جيت لظروف الحياة وللحياة لحالي
الذليل يغّيب اسمي والعزيز يجله
الغلا الكذاب حلوه مايسمى حالي
يبتدي من ضحكه وينهيه طاري زله
اكتفيت من المحبه مابقالي غالي
غير من حبه تكون فالضمير جبله
أنت ياللي واقفاً بيني وبين آمالي
حاول تساعد عليك عروقي المنتله
كل ما مريت أمامي زاد حجم ظلالي
حبي الصادق ملى قلبي وكبّر ظله
أنت صورة من خيالي وأنت نبع أقوالي
وأنت دربً لو اتوهه كل عرق يدله
عنقك أنت وعينك انت وشخصك المتعالي
كل شيً ما يشبّه فيك ..زينه خله
شعرك يمثل ب..لونه مجتمع عذالي
كل ما فكرت فيهم يا حبيبي فله