توبة

توبه من الحب وسنين الهوى توبه
والله يزيدك هنا في حبك الثاني
هذا قراري وكل إنسان واسلوبه
فسر على ماتبي صدي وهجراني
مليت منك الزعل نوبه ورى نوبه
ساعة حزن تشتكي ولاكل الازماني
مااقدر اعيش العمر مع روح مسلوبه
تصدق اهل الحكي وتكذب الساني
همي وحزني جميع الناس حسوبه
الا انت ياللاسف تدري وتنساني
من لاوجد باالهوى شفه ومطلوبه
اعزله يبتعد عن ظلم الاحزاني
مابيني وبينك الا اقدار مكتوبه
لا تنحرج لو تصادفني وتلقاني
مافيني الا بقايا نار مشبوبه
تصير بكره رماد وما لها شاني