المركب الساري

وين أنت طول غيابك بعد هالسفره
وأنا أتحراك بين الهجر وأعذاري
اخلق من الهجر وصلك واختلق عذره
عايش بدونك معي وأعاند أقداري
وللحزن في خاطري من غربتك كسره
لكن أكابر على الإحزان بأشعاري
لو كان دمعي مطر وبدايته قطره
ونهايته نهر يغرقني من إمطاري
يبقى الأمل بين حد الكسر والجبره
مابين كسري وبين الجبر وإصراري
لكن بين الفرح والحزن هالشعره
لا تطري الحزن وأنا بقطع الطاري
ما عاد للحزن داعي عيشني واكره
الدمع والحزن والفرقا وتذكاري
شفني رسمت الفرح عصفور فالنظره
ويطير بي وين ما وده على أشجاري
وشوف المراكب على مرسى أمل بكره
عطني من المستحيل المركب الساري
خذني معك ليل موحش ما طلع فجره
ولا تردني لين فجرك يكشف أسراري
الصمت رمد على شفا ة الحكي جمره
لين الخجل صار يمنعني من أسفاري
ودي أعيشك ما بين صحاك والسكره
كأني ادري وأنا ماني معك داري
لان غربتك لو طالت على فكره
ما قدر أكابر على الأحزان بأشعاري