أغلا هديه

بارك الله بالشدايد كم تعلّم
علمتني وأعتبرها أغلا هديه
في محياها عرفت اللي تألّم
وأكتشفت بشدتي ناسن وفيه
اعترفت بغلطتي يوم أتولّم
يوم صدقان الرخا حولي سويه
هذي أغلا من بهالعالم تكلّم
وذيك تسوي عندنا قايد سريه
ويوم جتني شدتي راح المسلٌم
مثل فص الملح ذابت في يديه
أنتظرت أغلا صديقه لي تقلّم
كل جرحن بالشدايد ضاق فيه
كنت احسب ان الصداقه ما تفلّم
لين شفت بشدتي فلم أجوديه
شفته بقلبن من الشده مثلّم
وأكتفيت بصمت من كبر الخطيه
لو كتبت اللي جرا لي ثم هلّم
ينسكب مضمونها بالأبجدية
علّمو قلبي وهو كان المعلّم
وأحتفو بخيانته عقب الضحيه