غاصت سيارته في الرمل فانكشف أمره: القبض على شاب استدرج فتاة مراهقة في حديقة الحضاري وخرج بها إلى مزرعة

ألقت فرقة من هيئة الأمر بالمعروف والنهي عن المنكر في مدينة بريدة وبالتعاون مع الجهات الأمنية القبض على شاب أركب معه فتاة مراهقة بعد أن تمكن من استدراجها في حديقة مركز الملك خالد الحضاري وإخراجها معه إلى مزرعة مجاورة ، إلا أن مآربه لم تتحقق وانكشف المستور عند محاولته الدخول إلى إحدى المزارع شرق المدينة بعد أن غاصت عجلات سيارته في الرمال في الطريق المؤدية إلى المزرعة طبقاً لمصادر " عاجل " الخاصة الأمر الذي حدا بالفتاة إلى الهروب من السيارة بعد شعورها بالخوف .
وفي هذه الأثناء ورد بلاغ للهيئة عن مشاهدة فتاة تهرب من سيارة غاصت عجلاتها في كثبان رملية وعند مباشرتها الموقع عثر على السيارة دون سائقها الذي عثر عليه لاحقاً بمكان ليس بعيداً منها ، وبعد مساءلاته أنكر أن بصحبته فتاة وبعد البحث في المواقع القريبة عثر على الفتاة والتي انهارت على الفور وأعترفت لرجال الهيئة بركوبها مع الشاب ، وقد تم فتح محضر في القضية وإحالتها إلى جهات الإختصاص .
الحمد لله على سلامة المراهقة من هذا الذئب الوقح
اليس له ام واخت ........ هل يرضى هذا المتخلف لهما ما يفعله ببنات الناس
بعدين هذه المراهقه اهلها وينهم فيه فلقدخانوا الامانه وضيعوها حسبي الله عليهم
لاحول ولاقوة الابالله .......... اللهم اهدي شباب المسلمين
ياربي سترك
وش هالحظاري اللي ماجانا الا بالنقص
بصراحة احس فيه مبالغات
يعني معقولة عيالنا وبناتنا مربوطين وجاهم الحظاري خلاهم انفلللتو بهالشكل جد احس فيه مبالغات يمكن الغرض انه تقلل من هالتجمعات
يعني معقولها يشوفها بحديقة ويستدرجها تركب معاه وين حنا عايشين
وان كان الخبر صحيح فيااااااااااااااااااااااااااربي سترك
خروجها مع الشاب لم يحدث الا بسبب سوء التربية في الصغر ثم الاهمال في الكبر
هههههه انا اعرف الي بلغ والله يااا جاو ضرب مااا جاا احد ما لقت تركب غير مع كبس السيكل
الله يستر ولاحول ولاقوة إلا بالله
الحمد لله انه تم القاء القبض عليه قبل ان يطيح الفاس بالراس
ولاشك ان اللوم لا يكون فقط على الشاب نفسه وانما يكون ايضا على البنت واهلها ......................
الله يهدي ابنائنا وبناتنا لما يحبه ويرضاه
الحضاري والله انه نقص اسمه ماطبق عليه
يكلمني واحد سوري كل سنه يشتغل فيه بالعطله يقول البلاوي يشيب شعرك منها
البنات هن الي يغازلن ويطلعن مع اي واحد لو هي ماشافة وجهه
لكن مدام الإمارة راضية بالشي هذا الشكوى لله
الي مايبيه لايروح لمه يروح لم حضاري عنيزه مكشوف وكل شي قدام الناس مافيه تسوير وشبوك
ولا فيه إزعاج شباب بس انه بعيد على أهل بريدة
والبنت هذي تحمد ربها وتاخذها عبرة
لو يمر الواحد لم دار الإيتام يشوف الإيتام وأشباههم كيف كان مايطح عياله برى البيت
والله صرنا بغابه والناس يقولون احمد ربك على الأمن والأمان وحنا ماشفناه
خوف وفقر وقل حيله وأبواب الرزق مسكره
إلا للاجنب
غاصت سيارته في الرمل فانكشف أمره: القبض على شاب استدرج فتاة مراهقة في حديقة الحضاري وخرج بها إلى مزرعة
الحين المراهقه عمرها مايقل عن 18 أو 19 سنه ولالا ؟
كيف أستدرجها وهي بالعمر هذا
لو قلت عمرها من 9 إلى 12 كان تخش الرأس بس بالعمر هذا لا لا لا .
هي جايه برضاها وراكبه بسيارته برضاها
ماقول غير الله يستر على بنات المسلمين ويهديهم ويفتح على عقول
البنات اللي مثل عقول صاحبة الموضوع الله يستر عليها ؟
يأهل بريدة وش جاكم ..... بعدين أنا كنت هناك مهزلة مرااهقين غطاى على منتزهات الثمامة كلة بالدرجة الأولى من المرااهقات متبرجات والله شوف عيني ...
قال ايش ذئب بشري !!!!!!! هاذي ضايعه وشرمطه في شرمطه غير انها مو بالقاهرة ولا بسوريا ببريدة . وشلون استدراجها هي اصلاً منحرفه لو ماطلعت مع هذا الشاب بتطلع مع غيره ليش احنا مغفلين هذا هو الصحيح بنت منحرفه طالعه طالعه . قالوا استدرجها بس هي كانت تفكر موفمبيك ولما شافت الظلام والمزارع خافت قالت الشغله في استراحات وشباب عشان جديدة على الشغله . هي الحقيقه . السؤال البنت زي ذي مانحرفت الا عشان لقت الإهمال من البيت من بعض الأمهات اللي تستاهل الذبح ولو بيجيها رجل هيئة وهي تلف في كل محل بالحضاري ولبس كيف صاير وقلت حياء كان طلعت بعين رجل الهيئة وقالت وش دخلك ؟ احنا شباب وياما عرفنا وشفنا زيها كثير صياعه وقلت حياء
لاحول ولاقوة إلا بالله
والرجل مراهق والمرأه كذلك ووش تتوقعون
لكن ربك يهدي من يشاء والله يهديهم .
اللي يجي للتجمعات بالحضاري والا غيره يصبر على مايجيه
لأن هذه الأماكن موبوئه
والمثل يقول :- ((( اللي يجي للذنب يصبر على الطقاع ))) اعزكم الله
اللهم احفظ اعراضنا وأعراض المسلمين..
إهمال الاهل للبنات يخلهن عرضة للإستغلال وانتهاك الشرف !
والبنت للأسف الشديد تطلع مع الشاب وتحط وجيه أهله بالأرض
وإذا سألوها قالت أهلي ما يهتمون فيني ولا يعطوني حقي !
طيب أنتي مالك رب تخافين منه؟ ماعندك عقل تفكرين فيه
وش اللي ينفعك ووش اللي يضرك؟ لكن هذا يخلي الانسان بعض
المرات يتمنى أن البنات الرخصيات هذولي ما أنولدن ومثلهم الشباب
اللي يتلاعبون بأعراض خلق الله، الله يهدي بنات وشباب المسلمين.
المفروض الأهل يزوجون بناتهم بدري حتى مايفتحون المجال للشيطان
يتلاعب في عقولهن، تأخير زواج البنت ماهو في صالحها مهما كان السبب.
وبالنسبة للحضاري ترا يصير فيه أكثر من كذا وكله بسبب إهمال
الأهل وبعد الشباب والبنات عن ربهم وتفكيرهم بشهواتهم الوصخه !
والله يستر علينا..
الحمد لله الذي أنقذ هذه الفتاة من هذا الكلب البشري ، الذي لا يريد إلا هتك عرضها ثم يرميها كما يرمي أحدنا العلك إذا انتهى طعمه....
انتبهوا يابنات من تلك الكلاب البشرية فهم والله لا يريدون الزواج ولا يريدون العفة ، فلا يريدون إلا هتك أعراضنا...
ونحن ندعو عليهم صباح مساء ، فهم قد ضايقونا كثيراً ، عليهم من الله ما يستحقون
ففي كل مكان لا نأخذ حريتنا ، ونسأل لله أن يوفق الهيئة فعندما نراهم نحس بالأمان بإذن الله ...
كثيراً من الناس يسمي هؤلاء الذين يضايقوننا ، يسمونهم ( ذئاب بشرية ) ، وأنا والله لا أسميهم إلا ( كلاب بشرية ) لأن الذئب عزيز وشجاع
وهؤلاء هم أحقر وأقبح ما يكون ، فالكلاب هي التي تبحث عن القاذورات...
وأقترح على هيئتنا _ وإن كنت لا أعلم عن طريقتهم _ أن ينهو علاقة الكلب بالفتاة نهائيا ، حتى لا يتمكن الرجوع لها مرة أخرى................................................
يارب لاتبتلينا وش هاذي القلوب وين التربية وين الخوف من الله أولاً والخوف من الأب ثانيا يارب رحماك
شئ معروف داشره وسربوته راحت مع داشر وسربوت !
لاجديد ؟ t
والله ان هالحضاري عقوبتن على هالمسلمين
وماكثرن البلاوي الا منوه
وبعدين وشلون يدخل الولد لحالوه يعني مادخلن معوه اموه وخواتوه ؟!
وعلى طول طايرن به للمزرعه مايفوت شين
والبنت المراهقة هذي وشلون تخلى لحاله ؟!
المفروض الصغيرات والمراهقات وحتى الكبار محد يمشي لحالوه
استغفر الله هالحين كثر الشر
خصوصاً هالساحرات اللي ينثرن على الوجه
والشباب وكلامهم المعسول
يعني الوحده مهما كان عمره تحاول انه ماتصير لحاله ابد
وانتم ياحريم ويارجال لاتخلون بناتكم لحالهن لو كنتوا تثقون بهن
ماضيع بناتنا الا الثقه الزايده بهن
انا مااقول شكوا بهن
خلوا ثقتكم بمكانه بس لابد من الحرص عليهن
هالبنت ماسوت هالسواة الا لأنه داريه ان ماوراه احد
تلقونه جايتن مع امه ، وامه قاعدتن تكهكه مع خوياته مادريت عنه
الله يستر علينا وعلى بنياتنا
وحسبي الله على كل من حاول يضر بنات المسلمين
والله يبلاه بأقرب الناس له
يابو دلامه احمد ربك وقلل الملامه
تذكر قصة نوح عليه السلام مع ابنه
وقل ياهادي يادليل ابعد عنا الشيطان الرجيم
كل خافية عليها من الله باينه
يجب معاقبة الاثنان
وليس اطلاق البنت ومعاقبة الشاب كما هو حاصل الآن
tgygftyerrrrrrrrrrrrrrrr
الله بس يعين على تربية عيالنا صارت التربية جهاد عظيم انت بجهه والانترنت والبلتوث والفضيات ورفقاء السوء والمحدرات بجهه
لكن بدعاء والتوكل على وقرائة الورد يصلح ان شاء الله الحال.
وابودولامة صدق يعني العوئل التى اهم شىء تلبس وتوكل وتسافر بعياله ولاتهتم بتربيتهم ولا تسأل عن اصدقائهم ولااتابعهم .
الحين ودك عينك ماتغفل عن عيالك ابد بالدقيقة الوحدة حرب عليه من اكثرمن جهه اذا غفلت عنه الله يستر عليه.
اين كان عقل الفتاه وهى تركب معه السياره وكيف يكون استدراج هل ليس عندها مخ بتفكر بيه ولا شربها حاجه صفره فى كوبايه وركبها معاه هر التى ركبت معه بمحض ارادنها ولما حست بالغدر منه خافت وندمت على الركوب معه الخطأ ليس على الشاب لانه من الحيوانات الذين يمشون ليصطادوا فرائسهم فكانت فريسه سهله له وارجوا ان تكون قد تعلمت الدرس جيدا لانه كان هذا الموقف سيتهى بمستقبلها ولكن الله ستر وانقذها من مشكله كبيره ارجوا ان تصلى لله شكرا وألا تقدمى على هذا العمل مره اخرى حفاظا على شرفك وشرف عائلتك فمن الواجب ان تكونى اهل ثقه للأهلك والتى وثقوا فيكى للخروج بمعنى ان تكونى على قد هذه الثقه
وين الدين يا اهل البريدة
الله يستر من مقولة مطوع بريدة
نقرأ اخبار سيئة عن فتيات بريدة وخرابهم وكذلك عنيزة الا تتقون الله في انفسكم وجل علماء الاسلام من بريدة
الا يكون هنالك تكاتف من الجميع في بريدة لكسر شوكة العمال الوافدة التى عاثت في اعراض اهل بريدة دون حسيب ولا رقيب
ياااااااااااناس اقوا الله لا يزلزل الارض من تحت اقدامكم وانتم في غفلة
والله صار اهل الشمال افضل منكم عند محارهم محافظين وبخشم الرشاش وهم ليس بمثل اهل بريدة في الدين
طبيعي
طبيعي
طبيعي جججججججججججججججدا ..
وش المشكله .
شاب ركبت معه بنت يعني وين بروحون للمسجد وإلا توزيع صدقات.
لا غرابة إلا من عنده قوة إيمان ..
الغريبة إن هناك من يستنكر وهو يشاهد أفلام جنس في المحطات الفضائية والبلوتوث
ومن يسافر إلى ديار العهر ويدخل المراقص .. وإذا قيل حدث كذا شاب وفتاة قال أعوذ الله .. كيف يسوووووووون كذا .. وينسى مداخل الشيطان .
النساء فتنة عظيمة وليس كبقية الجرائم مثل السرقة والقتل والتفحيط فهذه ليس شهوة ممكن أن يمسك الإنسان نفسه ولكن من يسمك نفسه عن فتنة النساء
الحضاري هذا مشكلهبيره
تجمعات العوائل ماتجي بخير الله يستر
امسكوا عنزكم تيسنا ما يجيها
اخواني \" الحل غالي وصعب والحرام سهل ورخيص\" الله يصبرنا بس
قووية \"أستدرج\" يعني البنت مخطوفة
يا عمي تلاقيها موافقه ومخططه معاه ..
وسالفه ذئاب بشرية .. اقول للبنات انتو براغيث بشرية
ومصاباه اين الاباء نحن نعيش زمن الفتن هذه شرذمة لاتريد الا النيل من اعراض المسلمين الاب يدع بناته في اماكن لايراقبهافيه حتى تأتيه الفجيعة ( يرجى استلام بنتك من مركز الهيئة أومركز الشرط ) ومصيبتاه حينها ماذ يفعل لقد فرط في الامانة وضيع المسؤولية الى متي هذه الجرائم
اشكر رجال الهيئة والمتعاونين في ابلاغ رجال الحسبة عن مثل ذلك
الله يعز الهيئه
الله يعز الهيئه
الله يعز الهيئه
الله يعز الهيئه
الله يعز الهيئه
الله يعز الهيئه
المفروض أن حديقة مركز الملك خالد الحضاري تجعل في الإجازات للنساء فقط
لأن مدينة بريدة في الإجازات يأتي إليها ما هب ودب من كل حدب وصوب عاد شف
هالبلاوي والجلاوي والمغازل الله يستر على بناتنا وبنات المسلمين
انا اقترح انهم يغيرون اسم الحضاري الى ( هايد بارك القصيم )
عند محاولته الدخول إلى إحدى المزارع شرق المدينة بعد أن غاصت عجلات سيارته في الرمال في الطريق المؤدية إلى المزرعة طبقاً لمصادر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
واله مدري بس الزنا دين.....
يا اهل بريدة انتبهوا.........
يستاهل اللي جاوه (( ولا يحيق المكر السيء إلا بأهله ))
كل خينه عليه من الله بينه
وأنا أقترح إن يصير بوه مكتب لهيئة الأمر بالمعروف والنهي بوسط الحضاري حتى
أن راعين الشر ينردعون وإذا جو بيسوون شي يخبرون إن وراهم أحد لاصاروا ماهم
ذالينن من الله
وإن ياللي هاجن بالبنت حتى لو انه راحت معك برضاءه أقولك اتق الله في نفسك
واهلك ولاتستغل سذاجته وغباءه وتذكر إن لك ام وأخت وبيوم من الأيام بيصير لك
بنت وبحفظك لمحارم الله تحفظ هذولي
عفُّوا تَعِف نساؤكم في المحرم وتجنبوا مالا يليق بمسلم
إن الزنا دَيْن فإن أقرضته كان الوفاً من أهل بيتك فاعلم
يا هاتكاً حُرَمَ الرجال وقاطعاً سُبُلَ المَوَدَّةِ عِشْتَ غَيْرَ مكرمِ
لو كنتَ حرًّا من سُلالَة مَاجدٍ مَا كنتَ هتّاكًا لِحُرْمَةِ مُسْلِمِ
[سعيد] [ 25/07/2009 الساعة 10:46 صباحاً]
سلآلآمآت آخوي سعيد وش هالهرج اللي تقول..؟
يعني آنتم الحين يآهل الشمآل ماعندكم هالبلآوي..؟
الا والله مذكورين بكل حين ووقت لكن لاترمي النآس بحجر وبيتك من زجآج..
والله يستر علينآ ويبعدنآ من هالامور ويستر على المسلمين والمسلمآت...
الله يحمينا ويلطف بنا
حسبنا الله ونعم الوكيل الله يستر بناتنا واولادنا
وحده من ثنتين يا تعلنون الاسامي والاماكن والتفاصيل الممله علشان كلن يعرف حده
لانه ماعاد الشباب والشابات يخافون من الله لكن خوفهم ان ما احد يدري من اهلهم
والامعارفهم وبس .
والا لاتعلنون هالسواليف اللي مالها طعم .وحدّث العاقل بما يعقل
يعني لو ما غاصت سيارته بالرمل كان نفذ من الهيئه ؟؟؟؟؟؟؟؟؟؟
سعيد تسنك قمت تستهزي بنا وبديننا أولا كل ديرة به الصالح وبه الطالح به الملتزم وبه المنحرف الدين مهوب حكر على احد لكن...........
بقولك شي والله ماجبتوه من عندي إن واحد من اهل تبوك قايلوه لي يقول ياحظكم يالقصمان !! قلت وراه ؟؟ قال عندكم بالقصيم أمان !!!!
قلت:وشلون يعني وانتم ماعندكم امان كل السعودية إن شالله آمنه
قال لا والله مانامن على وغاديننا نرسلهم لللبقاله ولا نرسلهم بحاجة للجيران !! حتى العيال الذكور نخاف عليهم ولا يطلعون إلا معنا لانك بمجرد ترسلوه منا يجيك واحد من الجهه الثانية يغتصبوه ويرجعوه لك
ويقول كل اللي عندنا حياتهم مخدرات وبلاوي حتى الصلاة مايعرفونه (؟)
مير خله على ربك
قلت كلهم تسذا ؟؟؟ قال: الأغلبيه إلا من رحم ربك
وين الدين والمحافظة اللي تتكلم عنه ؟؟؟ _وشهد شاهد من أهلها_
بعد التحية والاحترام
الرجاء لا احد يزعل مني طلبه ولا يحسبها عنصريه وتحيز وقبليه ومن ذا الكلام .....
بصراحة ياجماعة انا من برا المنطقة ولكن المقادير والحظ والارزاق اشتغل في بريده في احد القطاعات والمهم انكم رجال بمعنى الكلمه وينشد بكم الظهر صراحه وما هو انا اللي يقيمكم يا طوال الاشناب بس ان لي بعض التحفظ مثل ما قلت لكم وانا هنا لا اعمم لكن من خلال المعايشة خمس سنوات ماهي قليلة كثير من اللي اعرفهم مهملين بحق زوجاتهم وبناتهم سفريات وطلعات بر واستراحات الى الفجر والزوجه والبنت يا غافلين لكم الله والله واحد من الزملاء ساكن حولي انا بعض الاحيان اجيب له اغراض للبيت لانه بعد العشاء طائره وبلوت ونت مع الشباب في الاستراحه واذا نصحته يقول خل عنك وشو له النكد والهم فلها يا الخواف والثاني الله يستر عليه ينزلها للنخيل بشكل يومي لوحدها وترجع مع تكسي والا اذا كان قريب يروح لها.... ليييييه يا عالم
هذي ترى الحظها على اكثر اهل القصيم يودون اهلهم للسوق ويمشون يا خي الشيطان موجود والبنات ترى ضعيفات اذا ما لقت عاطفه واهتمام ترى الشيطان شاطر والسوريين واللبنانين والاتراك تراهم كلاب بكل ما تعنيه الكلمه انتبهوا انتبهوا .
والله ثم والله ثم والله اني شفت العجب يا جماعة وشي ما يرضي الله ولا رسوله وانتوا والله فيكم طيبه ما هي في بشر ودين وكل علم غانم وبيوتكم من افضل البيوت بس الانفتاح والرقابه الاسريه الضعيفه.
الله يستر على بناتنا
والله من قل التربيه تستاهل ما جاه
لو ان اهلها ربوها تربيه سنعه ما طلعة معه
لا ووين بالقصيم
قالوا بنت وقالوا ولد وش الناس المنتهية ندا للامهات العاقلات ان يحرصن على بناتهن لاني رحت منتزة في البكيرية والله شفت البلاوي بخاصة البنات ياناس التربية التربية التربية ثم التربية والمتابعة الله يصلح النية والذرية
لاحول ولاقوةالابالله ادعولهم بالهدايه والصلاح الله يصلحهم ويهديهم ويسرو امور الزواج جزاكم الله خير
أنت يا سعيد
كلامك عفن يا ولد الشمال وعلى قول المثل كل يرى الناس بعين طبعه
نصيحتي لك ولأمثالك أن تتجنبوا بريدة في الإجازات فبريدة النظيفة ضاقت بكم
ذرعا أنتم وبناتكم
كلكم راع وكلكم مسؤل عن رعيته.
مايحدث في بريدة واحد بالمليون من مايحدث في غيرها بس بريده شعرتها حمرا
والناس طافة بنقل اي خبر البنت مو من بريدة لقاها ابو الشباب فل جنحانه وطار تحسب انها بتروح للفل والياسمين مادرت المسكينه ان بريده تحيطها الكثبان الرمليه وشبابها يعشقون التطعيس
اظن ان التميرات تجيب الحرارة الله يستر علينا والمسلمين.
مادام هي راضيه وش المشكله لاتكبرون السوالف. بعدين انا اكثر ايامي بالحضاري او بعنيزه او بحائل او الرياض وكله غمزتين والبنت تركب والوضع تمام ومبسوطين.
انا عندي تعليق وارجو ان يقرأه الجميع:........
الحين انت ايها الشاب وايتها الفتاة ان لاتهربون وتختفون من اعين الهئية وتخططون لأجل ذلك ......
الا تعلمان..........انكما تخططان للهروب والاختفاء من الله عز وجل اين العقول واين القلوب........................
لو قدر الله عز وجل انه في ذلك اللحظة تصيبكي او يصيبه اغماء لمده ساعه واحده فقط لأنكشف امركم او مات احدكما في ذلك اللحظة وختم له بالسوء فماهو موقفك تضيع عمرك ودنياك واخرتك لأجل لحظات فقط او مثل ماحدث مع هذا الشخص تغريز السيارة
اسالوووووو انفسكم وراقبووو الله عزوجل
واحذر الاهالي من اخطار قادمه الذي لايحسن استخادمها تؤدي الى خراب البيوت وهي موجوده في اغلب البيوت ولا كن لايعيرونها اهتماما لأنهم لايعرفون كيفية عملها والاحداث التي تعاقبت عليها
جميع برامج المحادثات
والله وأنا جالس في الحضاري مع عائلتي واطفالي اني ما اسلم من البنات وتعليقاتهن
واشاهد بعض البنات يغازلن الشباب
الجوال والبلوتوث دمر حياتنا الله يجيرنا
الله يحمنا ياناس
وماخفي كان اعظم
والاسباب كثيره جداً واولهن غلا المهور والدشوش اللى تجيب مسلسلات مثل لميس واللي مالمس الله ربي وانا ساله يعطيه الالتماس بالضغط العالي
والبلتوث والااغرائات اللى بالسواق مثل محلات حقات الهدايا .
وانا بنصح كل متزوج انه يربي زوجته زين حتي تصلح وتصلح معه الذريه
واغلب شئ من البنات اللى يغازلن تلقي ابوهن يغازل ولا راعي سفر
يانااااااااااااااااااس انتبهوا على بناتكم شوفو نهاية قلة التربية وعدم المراقبة !!
نت !!!
فضائيات !!
جواااااال !!
تجمعات \\\\\" مثل الحضاري !!
نهايتها شوفو المسكينه !!
نفسي اشوف ابو هالبنت او امه واقوله قدام عيونه قلعتك شف تربيتك وش نهايتها !!
أنشر ...
ياعاجل ليش انا ارسلت تعليق ما نزل ...
الحمدلله انا لي ثلاث سنين ما نروح للحظاري ... انا وأهلي ...
بعدين يا شباب ... حاولوا تصادقون خواتكم ... واهلكم ... وتفتحون لهم قلوبكم ..
بدل ما كل يوم با الاستراحات والدوران ... خلوو ساعتين بس في الاسبوع لأهلكم تجلسون معهم وتطلعون بهم وتوسعون صدورهم ...
موو معقوله كل يكب أهله با الحظاري ويروح لخواياه.... البنت صارت زي البهيمة ما غير توكل وتحلت بها الاسواق والمنتزهات ..
اهتموو با خواتكم وبناتكم ...
بعدين للمعلومية .. الحين بريدة موو زي قبل زوارها من جميع المحافظات با القصيم ...
الحين الشباب يقدم اخوياه على ابوه ومه ... مع انه بعدين راح يعرف من اللي راح يوقف معه اهله ولا اخوياه ...
دمتم بخير
اللة يهدي ضال المسلمين الحضاري من أفضل الأماكن
لاكن الانحرافات موجودة في كل مكان